連鎖店的「焗豬」由細食到大，老老實實，質素算不錯但食得多都真係好悶。今
次走到食店多多的大埔，以下5間焗豬各有特色，睇下邊間最正？
24小時營業的「華立」除了是不少司機大佬的宵夜勝地，如果你要大埔街坊選
區內最正「焗豬」，top 3一定屬唔少得佢！
焗豬扒飯 $54。賣相好靚仔，深橙紅色的茄汁遮完全覆蓋飯碟，薄薄一層芝士半溶在面，好吸引！(a)
炒飯底，飯中夾著蛋絲，飯粒不會過乾。因為茄汁夠多，食到最尾都仲有茄汁撈
飯，正！不過茄汁略略過酸。(a)
豬扒雖然夠大塊，不過在5者中不算突出，部份位置略韌，偏乾身。(a)
同樣受街坊歡迎的還有「華輝」，焗豬更是其生招牌！(b)
輝哥焗豬扒飯 $58。茄汁鮮橙色，酸甜適中，芝士卻不夠上一間「華立」多。(b)
豬扒在5間食店中份量最多！約1cm厚的豬扒共有3塊之多。肉軟腍，也算入味，
蘸甜甜的茄汁更好吃。(b)
炒飯的蛋不夠上一間多，飯略乾，好在有足夠茄汁夠撈飯。(b)
在大角咀及九龍灣都有分店的「蕃滿門」也是連鎖店，焗豬又得唔得？©
鮮茄蓉芝士豬扒焗薑飯 $63。價錢過$60，最大賣點不是茄汁，也不是豬扒，而是
炒飯底用了薑飯！也真的啖啖都食到薑味，又幾夾。©
豬扒普通，勝在不嚡不韌。茄汁味道教得不錯，微酸開胃。©
感覺新潮「食嘢」其實咖喱最出名，但其午市供應的焗豬也是不少街坊心水。(d)
鮮茄豬扒焗飯 $55(連餐湯，只限午市供應)。鐵盤上枱，保暖方面在5者中最好，
賣相亦佳。飯面的豬扒焗至微焦香口，茄汁卻比之前幾間都少。(d)
超多茄汁！飯粒也不像傳統焗豬，粒粒分明而煙韌，有點像意大利飯，加分！(d)
豬扒已切開，唔使自己動手，肉質頗滑，又幾香口。(d)
街坊食堂「開飯主義」，烤焗菜式選擇多，不過普遍而言味道都幾濃。(e)
意大利蕃茄肉醬焗豬扒飯 $65。賣相在5者中最不突出，豬扒雖然大大塊在飯面，
亦有一粒車厘茄，但就不見茄汁。(e)
翻開豬扒才見茄汁，茄汁不太有焗過的感覺，好在味道也不錯。(e)
芝士雖然在5者中最多，但味道平平，反而豬扒夠軟腍好吃。(e)
a/ 華立茶餐廳
地址：大埔寶鄉街48號地下
b/ 華輝小廚餐廳
地址：大埔鄉事會坊17號地舖
c/ 蕃滿門
地址：大埔安慈路1號海寶花園地下8號舖
d/ 食嘢
地址：大埔舊墟直街9號粵發大廈地下3號舖
e/ 開飯主義
地址：大埔大埔墟大明里9號寶華樓C座地舖
