中女情人

行年宵都係想感受節日氣氛，使嚇錢唔緊要，不過睇見啲離地海鮮價就覺得離譜。



有時行年宵行到餓餓哋，或者想食嚇啲街頭小食，

都會幫襯嚇啲食檔。

但有網民話，行元朗個年宵，

雞翼竟然要$60隻，

而且仲係海鮮價。

明明早前有報道介紹過係$35隻，

檔主突然坐地起價，

加幅差唔多一倍。



無錯，年宵係好多一家大細，

過時過節，使多少少錢唔係咩嘢，

有時見到小朋友食得開心，

爸爸媽媽畀多一百幾十蚊都無所謂。



但係啲檔主有時真係無良到起啲離地價，

會造成惡性循環。

當對家見你賣$60隻雞翼都有得做，

下年自然競投攤位更激烈，

到時租貴咗，啲嘢又要賣貴啲，

最終又係小市民硬食。



難怪網民叫啲檔主直接去搶。