科技發展愈嚟愈快，生活都愈嚟愈方便，一部電話一部電腦可以做到好多事情，買嘢Call車租單車⋯⋯好多嘢都開始科技化，但同一時間好多根本唔熟悉科技�H人，不知不覺被世界淘汰緊。
近年有間連鎖漢堡包店好努力變新，一直加快緊買嘢食同拎嘢食�H效率，公司附近一間鋪就將職員親身幫你落單�H櫃檯大大減少，同時就增加大量自助落單機，自己買完等叫號碼，等大部分職員都可以投入整嘢食部門，大大減少等候時間。但最近幾次去我都發現一個好大�H矛盾，全間鋪得番兩個職員真人落單櫃檯，但幾次去到都係無職員喺度接單，於是好多年老�H公公婆婆就企喺度呆等，幾次我都係親眼見到有職員教人用自助落單機，但就無人落單，結果老人家要等十分鐘先有人理⋯⋯
另一件事就係近日我家人收到銀行通知，話以後都唔會再寄月結單，只可以網上自己Check。我家人已經算係無咁out，識用智能手機，但唔識用電腦，我以為可以用電話app check，點知打去問過原來係一定一定要用電腦上網先睇到，如果要寄單就要每個月畀錢⋯⋯我即時就諗，咁老人家點算先？
當世界愈嚟愈方便，對我哋年輕人嚟講真係一大喜訊，但其實社會上屬於少數�H中老年人，不知不覺間都被我哋淘汰緊。我諗佢哋萬萬估唔到，竟然有日出街買個漢堡包都要識用機器⋯⋯當社會愈嚟愈機械化，所有嘢就愈嚟愈唔人性化。依家一個一歲小朋友都識用智能手機�H年代，你可以想像到再過幾年，唔識上網唔識電子�H人類會完全被淘汰。
