有唔少民主派人士因為前年�H反對修訂逃犯條例示威被判刑，或者因為參與去年35+民主派初選案現正被還押。坐監對住四面牆都難免會懷疑人生，就好似荃灣前區議員岑敖暉就曾經懷疑過自己係唔係「做咗Condom」，畀民主派同路人用完即棄。前香港眾志秘書長黃之鋒尋日(21日)喺社交平台貼文，黃坐過幾次監，過去9個月都喺獄中度過，不過佢最近先悟出要適應�H道理喎。
前尋日係中秋節，所謂每逢佳節倍思親，黃都喺獄中寫咗封信，話要分享一下點樣喺苦難裏頭自處喎。信中佢指喺低潮入面有各式各樣�H念頭或者情緒萌生都係正常�H，唔需要逞強咁話無畏無懼、急於打倒昨日�H自己、又或者否定過去，都可以學習下同恐懼共存�H。不過佢強調，最重要係「要適應但唔好慣」，都坐咗監咁耐，佢終於先學識點適應啊。
同樣正被還押，涉去年35+初選案�H何桂藍，尋日中秋節都有貼文，指前年9月佢同黃之鋒等人一齊去紐約訪問，期間喺紐約中央公園過中秋節食月餅。兩年過去，物換星移，兩人同樣都失去自由，只可以話早知今日可必當初呢？
鐵窗生活當然唔好過，反觀黃之鋒�H「戰友」、被通緝�H前香港眾志常委羅冠聰，日前由英國去咗美國，與學聯前秘書長周永康、以及包括前「民間外交網絡」發言人張崑陽在內等幾個流亡美國�H人士，喺華盛頓相聚一齊過中秋節，簡直係優哉遊哉呀！
雖然黃下個月先滿25歲，但就已經兩度繫獄且案底纍纍。目前佢已經服畢前年6.21非法圍堵警察總部，被控組織未經批准集結罪，煽惑他人明知而參與未經批准集結�H刑期，但都尚餘4個月�H前年反蒙面法遊行，被判非法集結、在未經批准集結中使用蒙面物品、同埋10個月�H去年六四晚會非法集結刑期。之但係，佢因去年35+初選，涉觸犯《港區國安法》�H案件明日先至開始提訊，要應付呢場官司真係漫漫長路，恐怕有排都未到盡頭。
就連黃自己都曾經委託律師向朋友畀口訊話「可能再見時，我哋已經三十幾歲。」莫非佢已經打定輸數，預咗自己喺監倉要「再坐一會」？屆時年過30�H黃之鋒，仲有冇可能喺政壇打滾呢？
https://hk.on.cc/hk/bkn/cnt/news/20210922/bkn-20210922164015676-0922_00822_001.html
